Duoen «Voldingane» har gleda danseglade sunnmøringar og nordfjordingar heilt sidan 1996! Det nærmar seg altså 30 år i lag på vegen, og dette har ført til eit svært omfattande og variert reportoar.
Her får du dei fleste stilartar frå dei siste 70 åra – swing, rock and roll, pop, balladar, svensktopp, svisker, gammaldans, irsk folkemusikk – du kan til og med risikere å få høyre eit snev av opera! Dei to glade musikantane sitt mantra er at det skal vere dansbart og variert, og tilbakemeldingar frå publikum tyder på at den målsetjinga blir oppnådd med glans. Så mange år med erfaring frå alle slags typar arrangement gjer også at karane har blitt veldig flinke til å tilpasse låtvalet til kveldens publikum. Med ein plass mellom 100 og 200 låtar på reportoaret er det få andre artistar som er like tilpasningsdyktige som Voldingane.

 

Det må også nemnast at karane gjennom alle desse åra har lagt vekt på at volumet skal vere på eit moderat nivå, og har fått veldig mange positive tilbakemeldingar på dette. Voldingane spelar aldri høgare enn arrangøren eller publikum ønskar!
Så dersom du treng variert dansemusikk til bryllaup, bursdag, julebord, dans på lokalet, firmafest eller eigentleg kva som helst slags arrangement der det er folk som likar å danse, så er Voldingane eit val du ikkje kjem til å angre på!

 

Voldingane er:
Odd Kåre Fløtre – vokal og keyboard
Fred Igland – gitar og koring

Nøkkelord: dansbart, variert, stort reportoar, fornuftig lydnivå.